))
Lukas 18.15-17 und 19.1-10: Zachäus
Manage episode 310248198 series 3050805
Content provided by Bibutexte Bärndütsch. All podcast content including episodes, graphics, and podcast descriptions are uploaded and provided directly by Bibutexte Bärndütsch or their podcast platform partner. If you believe someone is using your copyrighted work without your permission, you can follow the process outlined here https://ro.player.fm/legal.
http://xn--ni-fka.ch/wp-content/uploads/2015/02/Zachaeus.mp3
…
continue reading
18.15 Sogar mit de Bébé sy si zun ihm cho u hei wöue, dass er se würd uf d Arme näh. Wo das d Jünger gse hei, hei sis verbote. 16 Da het se Jesus zu sich grüeft u ne gseit: „Löht d Ching zu mir la cho u schicket se nid furt. Wiu dene, wo sy wie si, ghört d Chünigsherrschaft vo Gott. 17 Da chöit dir sicher sy: Wär d Chünigsherrschaft vo Gott nid wie nes Ching animmt wird se nid übercho.“
19.1 Er isch uf Jericho cho u isch dür d Stadt gloffe. 2 Dert isch dr Zachäus gsi. Dä Ma isch Chef vo de Zöllner gsi u het viu Gäud gha. 3 Er het Jesus unbedingt wöue gseh u usefinge wär er sig. Aber er hets nid chönne wäg de vile Lüt. Er isch äbe e Chline gsi. 4 Drum isch er vorusgsprunge u isch uf ne Muulbeerfigeboum gchlätteret. So würd er ne de gseh, wenn er dert verbychunnt. 5 Wo Jesus isch dert härecho het er uechegluegt u zuen ihm gseit: Zächäus pressier u chum ache! I wott hüt zu dir hei cho. 6 Da isch er schnäu obenachecho u het ne vou Fröid zu sich hei gno. 7 Das hei aui gse u sech drüber gergeret: „Itz geit er zumene Sünder z Bsuech!“ 8 Dr Zachäus steit vor Jesus häre u seit: „Lue Herr, d Häufti vo mim Bsitz giben i de Arme. U dert won i bschisse ha giben i ds vierfache drvo zrügg.“ 9 Da seit Jesus zun ihm: „Hüt bisch du u dini Familie grettet worde, wiu o du e Sohn vom Abraham bisch. 10 Der Messias isch cho, für z sueche u z rette, was verlore isch.“
©2014, Köniz, Philipp Kohli, www.nöi.ch
10 episoade
Distribuie
