Programa1403

Podcast de Corcovadomusica

Edición número 1403 de O Recanto do Corcovado. Puidestes escoitala o venres 12 de abril a través de RKV Radio Vigo, e o sábado 13 na sintonía de Cuac FM A Coruña e da Radio Municipal de Redondela. Pechamos a rolda de emisións o mércores 17 a través de Radio Crónica Folk Musical. O primeiro disco do dúo Terrae, “Medra”, xa está nas tendas. Dáse nel una presenza obvia da música tradicional galega, mais intúense tamén referencias a outros timbres e raíces culturais —das rítmicas andinas ás músicas do norte de África, sen nos esquecer da música popular do centro da península ibérica—. Estréovos, ademais, “Oceanoe: travessia polo mar das Antelas”, libro-disco que celebra os preto de vinte anos de actividade da taberna cultural A Arca da Noe. O libro inclúe una listaxe musical extraordinaria, onde damos con pezas gravadas por parte dos artistas e das artistas que pasaron pola Arca. É o caso de Davide Salvado, Eliseo Parra, Javier Álvarez, Xabier Díaz, Sérgio Tannus, Alba María, Uxía e A Pedreira, por citar algúns nomes. Podedes vos facer cun exemplar do libro a través do sitio web da propia Arca. Escoitamos a seguir os novos temas de Guada, desta volta co dúo Sur —unha sorte de coda do seu último disco, “Cuero”—, e da portuguesa Sús —quen presenta con “Além do tempo” o derradeiro adianto do seu inminente novo disco—. Completamos o programa con Baiuca e Nancy Vieira.