寒天 佮 熱天看起來敢若是出現 tī 這粒細粒行星 ê 仝一个暗暝 ê 款。這粒行星其實是地球啦！這是 數位合成 ê 全景圖，360 度 乘 180 度 ê 大細，是 kā 1 月 kah 7 月 tī 法國 Alps 山脈 Col du Galibier 翕--ê 相片 組合起來--ê。下底是北半球 ê 寒天，後壁是 熱天 ê 銀河，背景是恆星 kah 星雲。銀河 tī 相片內底，變做是一條拗彎 ê 地平線。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/2024113…

阿Ed 多倫多之旅 Switch 2 底板相片漏出 Starship IFT 7 Deepseek v3 AI 影片 Sora 終於有得試De către contact@randgad.com (Ed)

Excel 電競 MEWC 2024 OpenAI 轉型做盈利公司 HK$19 藍牙耳機有冇伏De către contact@randgad.com (Eunica)

這个浮 tī 空中 ê 環，其實 kah 星系平大。實際上，伊是一个星系，上無嘛是星系 ê 一部份。這个足媠 ê 草帽仔星系，是 室女座星系團 內底 上大粒 ê 星系。Tī 下面彼張可見光影像內底，烏暗 塗粉帶 kā 草帽仔星系 中央閘去矣，毋過頂懸彼張紅外線影像煞光爍爍。下面彼張 紅外線 相片，是 James Webb 太空望遠鏡 昨昏公佈 ê 假色藍色影像。頂懸彼張是 NASA ê Hubble 太空望遠鏡 ê 可見光 影像。影像經過數位處理了後有較清楚。草帽仔星系 嘛 叫做 M104，差不多有 5 萬 光年 闊，就 tī 2800 萬光年遠 ê 所在。M104 用細台望遠鏡就看會著，伊就 tī 室女座 ê 方向遐。 ——— 這是 NASA Astronomy Picture of th…

Apple Broadcom AI 晶片 TP-Link 可能被美國禁用 Lenovo Legion Go S OpenAI 打 1-800 電話玩 ChatGPTDe către contact@randgad.com (Patrick)

獵戶座 內底 ê 馬頭星雲 是天頂上好揣 ê 一个星雲，伊是大型烏暗 分子雲 ê 一部份。伊嘛叫做 Barnard 33。這个無四常 ê 外形是 1800 年代尾仔 tī 玻璃底片 內底揣著--ê。紅光是星雲後壁 ê 水素 氣體來--ê，是去予附近 ê 獵戶座 Sigma 星 kā 電離--ê。馬頭 較烏 ê 部份是較厚 ê 塗粉，馬頭 ê 頷頸 是 投影 tī 倒爿下跤 ê 烏影。一寡氣體 嘛 因為強烈 ê 磁場 煞 離開 星雲。馬頭星雲 內底一寡光點是 當咧形成 ê 恆星。馬頭星雲 ê 光愛 1500 年才會到咱遮。這張影像 是 tī 智利 山頂 ê 智利 天文台翕--ê。 ——— 這是 NASA Astronomy Picture of the Day ê 台語文 podcast 原文…

Kā 你 ê 3D 目鏡 提來，來欣賞這張月球表面 ê 風暴洋。這幅 3D 影像是 1969 年 11 月 ê 時陣，阿波羅 12 號 ê 太空人 Pete Conrad 去 拜訪 測量員 3 號 太空船 ê 相片。Tī 這進前 2 冬半 ê 1967 年 4 月，測量員 3 號降落 tī 較細个窟仔邊 ê 內面。阿波羅 12 號 登月艙 無畏號 降落 ê 所在 才離 測量員太空船 200 公尺爾爾，毋是蓋遠。這張立體影像是 kā 2 張 月球表面 無仝張相片 (編號 AS12-48-7133 kah AS12-48-7134) 組合起來--ê。2 張 ê 視角干焦有小可仔無仝，kah 咱人目睭看著--ê 差不多。 ——— 這是 NASA Astronomy Picture of the D…

南半球 天爐座方向 干焦 5600 光年遠 ê NGC 1365，是 一个直徑 20 萬光年 ê 大粒棍螺仔星系，是咱銀河 ê 2 倍大。這是 James Webb 太空望遠鏡 ê 中紅外線相機 MIRI 翕--ê 紅外線 影像，有翕著捲螺仔星系 足清楚 ê 細節。Webb 翕--ê NGC 1365 有 6 萬光年闊 ê 範圍，是欲看星系 ê 核心 kah 新誕生 ê 星團。影像內底 ê 塗粉絲 kah 氣泡 組成 ê 網路是 星系中心棍仔 伸出來 ê 捲螺仔手骨 頂懸 ê 少年恆星 產生--ê。天文學家 懷疑講，NGC 1365 星系棍仔 ê 重力場，應該是 星系演化過程中足重要 ê 角色。伊 kā 氣體 kah 塗粉 送去 生恆星 ê 所在，落尾這寡物質 會攏飼予星系中心 ê 超大質量…

月眉星雲是按怎形成--ê？相片 中央這幅 月眉星雲，看起來就親像是一粒太空 蟲包，這是中央彼粒足光 ê 恆星造成--ê。一款逐家較相信 ê 假說是講，這个 月眉星雲 是 25 萬年前形成--ê。彼个時陣，中央彼粒大質量恆星已經演化變做 Wolf-Rayet 星 (WR 136) 矣。而且伊 ê 恆星風 強甲 kā 外層氣體擲出去，差不多 1 萬年擲 1 个太陽質量 出去。這个恆星風 kā 進前演化階段 留落來 ê 氣體捒出去，形成 一重一重足複雜 ê 發光 氣體殼。月眉星雲 ê 編號是 NGC 6888，就 tī 天鵝座 方向 4700 光年 遠 ê 所在。WR 136 星 可能會 tī 紲落來 100 萬年內，演化變做 超新星 爆炸。 ——— 這是 NASA Astronomy Pictu…

Tesla 支援 apple watch Android XR iOS 18.2 可以用 Apple Intelligence, ChatGPT Google Willow 量子電腦 X Grok 免費 gen 圖De către 亂gad

象管星雲 to̍h 親像是英國童話「To̍h 是按呢 ê 故事」內底一篇「象仔囝」故事 ê 銀河版插圖。伊就 tī 懸閣遠 ê 仙王座 遐，彎彎曲曲迵過發射星雲 kah 少年星團 複合體 IC 1396。倒爿 ê 宇宙象管嘛叫做 vdB 142，伊 ê 長度是超過 20 光年長。這幅詳細 ê 望遠鏡特寫，有翕著伸 tùi 後壁去、足光 ê 山龍，kah 這內底 一區一區 ê 低溫 星際 塗粉氣體。這个 烏暗、虯做伙 ê 雲 內底有做新恆星 ê 原始材料，嘛會當 kā 原恆星藏 tī 內底。這个較暗 ê IC 1396 星團複合體 tī 差不多 3000 光年遠 ê 所在。伊 tī 天頂 ê 範圍是足大--ê，有 5 度遐爾闊。毋過 這幅影像 ê 視野才 1 度闊爾爾，這个角寸尺差不多是兩粒月…

這个去予編做 NGC 206 ê 大型星協，就 tī 咱 ê 厝邊星系 仙女座星系 厚塗粉 ê 捲螺仔手骨內底，綴星系頂懸粉紅仔色 ê 恆星形成區咧行。仙女座星系嘛叫做 M31。這个捲螺仔星系 kah 咱 ê 距離才 250 萬光年爾。這張是 仙女座星系盤西南 爿 清楚閣詳細 ê 特寫相片，NGC 206 就 tī 這張相片 ê 中央正爿彼搭。NGC 206 內底有一寡足光 ê 藍色 恆星，表示講伊猶閣足少年--ê。實際上，這寡少年懸質量恆星 ê 歲數，是猶無到 1000 萬歲。NGC 206 ê 大細差不多有 4000 光年大，是比咱銀河 盤 面頂 少年球形星團 抑是 開放星團 閣較大。這个寸尺 kah 咱附近 ê 捲螺仔星系 [M33][M33] 內底 ê 大型恆星托兒所 NGC 604…

這个看起來有編織花樣 kah 蛇紋 ê 發光氣體雲絲，予伊得著這个足紅 ê 名：Medusa 星雲。伊嘛予人號做 Abell 21。這个 Medusa 星雲是一个足老 ê [行星形星雲][planetary nebula]。伊 to̍h tī 雙生仔座方向，離咱有 1500 光年遠。Kah [神話][mythological] 內底 ê 名仝款，這个星雲嘛有一个戲劇性 ê 轉變。伊現此時 ê [行星形星雲][planetary nebula]，其實是像太陽這款低質量恆星 [演化][the evolution] 到上尾 ê 階段，已經 ùi [紅巨星][red giants] 轉變做燒滾滾 ê 白矮星矣。Tī 這个過程中，白矮星會 kā 伊 ê 外層氣體幌掉。高溫恆星發出 ê 紫外光 [輻射]…

這張 太空速翕相片 內底，有 80 億人 giōng 欲無去矣！這是 11 月 21 翕--ê，是 Artemis 1 號任務 ê 第 6 工。這張相片是獵戶座太空船飛出去 ê 時陣，伊 ê 外部 kha-mé-lah 翕 ê，咱會當看著地球 tī 月娘外沿遐。獵戶座太空船這馬欲進行動力飛行，飛過月球表面 130 公里懸 ê 所在。動力飛行 ê 過程會增加飛行速度，按呢會當飛到 離月球較遠 ê 逆行軌道 去。這个軌道較遠，因為伊離月球有 9 萬 2000 公里遠，而且是逆行軌道。這是因為太空船 ê 軌道方向會 kah 月球踅地球 ê 方向倒反。獵戶座太空船會 tī 11 月 25 拜五 ê 時陣，飛到這个較遠 ê 逆行軌道。獵戶座太空船 tī 月球附近幌來幌去，落尾會 tī 11 月 28 …

Immich 就嚟可以取代 Google Photos Tesla FSD 13 Intel 換 CEO Grok 免費開放俾 X 用戶 兩嚿水美金一個月嘅 ChatGPT ProDe către contact@randgad.com (Eunica)

這个烏影景色 就是冥王星暗暝彼半爿。遮是一个暗淡 koh 遙遠 ê 世界。這張予人讚嘆 ê 太空視角內底，太陽 to̍h tī 49 億公里遠（差不多是 4.5 光時遠）ê 所在。這張相片是 飛足遠 ê 新視野號太空船 tī 2015 年 7 月 翕 ê。彼陣 ê 太空船離冥王星 2 萬 1 千公里遠，差不多是伊 ùi 離冥王星 上近彼位飛--出去 ê 19 分鐘後。這个 Kuiper 帶 ê 成員有戲劇性 ê 外形。Ùi 這張相片來看，咱知影冥王星 霧霧 ê 大氣層其實是蔫蔫，而且實在是 有夠複雜 ê。Tī 這張相片頂懸彼个月眉形 ê 晨昏區景色 內底，有南部地區 ê 窒素冰原，這馬叫做 Sputnik 平原，嘛有 坎坎坷坷、有水冰 ê Norgay 山脈。 ——— 這是 NASA Ast…

日本畫師話會轉去Bluesky Ed 終於買咗 Quest 3 Open AI Sora 漏出 Fitbit Charge 6 用後感De către 亂gad

Black Friday 有乜好買 左膠唔用 X 咪用 Bluesky 囉 Netflix 仲未 handle 到直播 Windows 365 Link SpaceX 第六次試射De către 亂gad

紫金山-ATLAS 彗星 ê 尾溜 內底 無四常 ê 烏暗線 是按怎來--ê？10 月中有翕著 ê 這粒足光 ê 彗星 相片，毋但翕著 予人印象足深 ê 長彗尾 kah 細細條 ê 倒反彗尾，嘛有一寡人 翕著 長 彗尾 內底 足特別 ê 烏暗 線。這个烏暗線是按怎來--ê？到今猶 tī 咧討論。有可能是 烏暗 塗粉 雲煙、無仝區 ê 彗尾 相疊、抑是 較厚 ê 彗鬚 內底一寡細粒塗粉粒產生 ê 烏影。10 月 14 tī 美國德州翕著 ê 這張 相片 嘛有翕著這條烏暗線。為著欲幫贊科學家分析這个現象，你若是有翕著有清楚烏暗線 ê 彗星相片，請 送來 APOD。紫金山-ATLAS 彗星 這馬已經轉去 外太陽系 矣，所以伊 tī 天頂會 愈來愈暗。 ——— 這是 NASA Astronomy P…

火星 頂懸有一巡足深 ê 痕跡，是 太陽系 內底上大 ê 峽谷。伊就叫做 水手谷，是一个 3000 公里長、600 公里闊，8 公里深 ê 大山谷。地球 美國 Arizona 州 ê 大峽谷 嘛才 800 公里長，30 公里闊、1.8 公里深爾爾。水手谷 ê 起源到今 猶毋是蓋清楚。目前上主要 ê 假說是講，伊是幾若十億年前 火星冷卻 ê 時陣，一條細條 ê 必巡 演變做這馬 ê 峽谷。科學家已經 ùi 這个 峽谷內底揣著幾若款地質演變 ê 過程。這張 拼鬥圖 是 1970 年代 海賊號 軌道太空船 翕 ê 火星 相片 合成--ê。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov…

冰巨行星 海王星 tī 地球天頂是暗暗一粒 tī 遐。伊 kah 太陽 ê 距離 是 伊 kah 地球距離 ê 30 倍，愛用望遠鏡 才看會著 這粒暗暗 ê 遙遠世界。這个戲劇性 ê 海王星暗暝，是地球附近 ê 望遠鏡翕袂著 ê 景色。Ùi 內太陽系看出去，是干焦看會著 海王星 日時 這爿 ê 景色。實際上這幅 新月形 ê 海王星暗暝 kah 邊仔 ê 海衛一 Triton，是 航海家 2 號太空船 翕--ê。航海家 2 號太空船是 1977 年 ê 時陣 ùi 地球發射，1898 年 ê 時陣 飛倚這粒太陽系上外口 ê 行星。這隻機器人太空船 離開 ê 時陣，回頭看海王星，紲落來就閣繼續 伊 ê 星際旅行。 ——— 這是 NASA Astronomy Picture of the Day …

浮 tī 咱銀河盤附近 ê 厚塗粉分子雲，看起來敢若是宇宙尺度 ê 一支來鬥相共 ê 手。In 是恆星形成星際雲 複合體 ê 一部份，包括 LDN 1358, 1357, kah 1355。這是美國天文學家 Beverly Lynds tī 1962 年piàn ê 烏暗星雲目錄 內底 ê 天體。這寡 3000 光年遠、袂透光 ê 烏暗星雲是 tī 有足濟 恆星 ê 北方星座 仙后座 內底。對天文攝影師來講，翕著 in 是 足困難毋過足值得驕傲 ê 一項代誌。這个距離翕著 ê 這張望遠鏡深空影像，差不多是 80 光年闊。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：…

這張 美麗 ê 星際景色 Arp 227 是 1996 年 ê「特殊星系圖集」內底 ê 一个特別 ê 星系系統。這个系統 tī 雙魚座方向 1 億光年遠 ê 所在。相片中央倚 倒反頂懸 ê Arp 227 其實是 2 个星系，雲殼星系 NGC 474 kah 伊附近 ê 捲螺仔星系 NGC 470。NGC 474 有 顯目 ê 雲殼 kah 恆星流，應該是 10 億年前 kah 另外一个較細 ê 星系相倚 ê 時陣，受著潮汐力 ê 影響造成--ê。正爿下底 ê 大粒星系 NGC 467 嘛有 雲殼 kah 恆星流，表示講這應該嘛是另外一个 合併星系系統。視野內底閣有足濟美麗 ê 背景星系，前景是 銀河系 內底 ê 天星。這張望遠鏡景色有 25 角分，差不多佔 天頂 ê 一半。 ——— 這是 …

Apple M4🔥 Final Cut Pro 11 新功能 NASA SLS 或腰斬🚀 Google Gemini AI 新搞作De către contact@randgad.com (Ed)

紫金山-ATLAS 彗星 這馬欲轉去 外太陽系 矣。這粒大粒垃圾雪球 tī 地球 10 月份 行到 太陽附近 ê 時陣，變做是夜空中予人 印象足深 ê 天體，逐家嘛翕著足濟足媠 ê 相片。這張相片 是 10 月中翕--ê，有一條顯目 ê 倒反彗尾。這張相片有翕著 彗星 C/2023 A3 (紫金山-ATLAS 彗星) 長長 ê 塗粉 尾溜 kah 離子 尾溜，方向是指向離開日頭 ê 方向。毋過 內底有較大粒塗粉粒 ê 倒反彗尾，方向是指向 日頭 落去 ê 方向。前景是 意大利 ê Tai di Cadore 庄頭，背景是 足懸 ê Dolomite 山脈。另外一粒 彗星 C/2024 S1 (ATLAS 彗星) 進前去予人認為 kah 紫金山-ATLAS 彗星 有通比並，毋過伊頂禮拜接近太陽…

木星頂懸彼粒烏斑是啥物？無人知影。NASA ê 機器人太空船 Juno 飛過 木星 ê 時陣，翕著這个 一直攏烏烏 ê 雲，咱 kā 叫做 深坑。邊仔 ê 雲 ê 圖樣表示講，深坑 是 一个 捲螺仔旋 ê 中心。因為 木星大氣 ê 烏色雲 比 淺色雲 較深，所以這个 深坑 看起來就親像是一个 足深 ê 空。毋過咱目前猶無證據，較歹講。深坑 邊仔是一寡複雜、彎彎曲曲 ê 雲 kah 捲螺仔風 風暴系統。有一寡 tī 上懸海拔 ê 雲就是淺色--ê。這張圖 是 2019 年 Juno 太空船飛過 木星雲頂 1 萬 5000 公里懸 ê 時陣翕--ê。後一擺 Juno 太空船 飛過 木星，會發生 tī 3 禮拜後。 ——— 這是 NASA Astronomy Picture of the Day …

土星 tī 地球 ê 夜空 是遮爾光。伊美麗 ê 望遠鏡景色 kah 美麗 ê 土星環定定予伊 tī 天星晚會 內底成做主角。毋閣這个遮爾美麗 ê 土星環 kah 土星暗暝，是無可能 tī 倚太陽這爿 ê 望遠鏡翕著，是愛 ùi 另外彼爿才有法度翕。因為倚太陽這爿干焦有法度看著 土星 ê 日時。事實上，這張土星影像是 Cassini 太空船 翕--ê。這是土星去予薄薄 ê 太陽光照甲親像新月 kah 無照著光 ê 土星暗暝。In ê 烏影 to̍h 投射 tī 闊 koh 複雜 ê 土星環系統。Cassini 是地球送去 ê 機器人太空船，伊踅土星 13 冬了後，tī 2017 年 9 月 15 駛入去這粒氣態巨行星 ê 大氣層。這張宏偉 ê 拼鬥影像是 kā Cassini 闊幅 kha-…

美麗 ê 大捲螺仔星系 NGC 6744 ê 大細差不多是 17 萬 5000 光年闊，比 咱 ê 銀河系 閣較大。伊 chhāi tī 南方星座 孔雀座 遐，離咱有 3000 萬光年遠。咱若是用細台望遠鏡 kā 看，伊干焦是一个暗暗霧霧 ê 天體。這个島宇宙離咱無蓋遠，伊 ê 星系盤趨 tùi 咱 ê 視線方向，所以這張顯目 ê 望遠鏡景色才看會著詳細 ê 星系肖像。這幅圖 ê 視野大細，差不多 kah 規粒月娘 ê 視角平大。這个大星系 ê 中心，有一个 搝長 ê 黃色星系核。這个黃光主要是 ùi 較老較冷 ê 恆星 來--ê。除了星系核，伊閣有足闊 ê 捲螺仔手骨，面頂攏是藍色少年星團 kah 一搭一搭 ê 粉紅仔色恆星形成區。倒爿下跤有一條較長 ê 捲螺仔手骨，掃過一个較細 ê 衛星…

夜空有一个奇怪 ê 面容，去予恆星光照甲爍咧爍咧。人看著這个彎彎曲曲 ê 形體，就 kā 號做 尪姨頭星雲。實際上，這个遮爾迷人 ê 望遠鏡景色，看起來敢若是 尪姨 tùi 獵戶座 彼粒 足光 ê 超巨星 參宿七 硞硞看。尪姨頭星雲 較正式 ê 名是 IC 2118，伊差不多有 50 光年闊，而且是 一堆星際塗粉粒 反射 參宿七 發出 ê 光。尪姨頭星雲 kah 參宿七 邊仔塗粉發出 ê 藍光，毋若是因為 參宿七 有較強 ê 藍光，嘛是因為 塗粉粒散射 藍光 比 紅光 閣較有效率 。仝款 ê 物理機制 造成 地球 日時 ê 天頂 看起來 是藍色 ê，是講 tī 地球大氣 內底 ê 散射物，是 窒素 分子 kah 酸素 分子 按呢。參宿七 kah 尪姨頭星雲，和 踅 tī in 附近 ê 氣體…

Starship 準備第六次試射 PS5 Pro 任天堂出 Switch 第二代De către contact@randgad.com (Eunica)

這个太空氣泡是按怎做出來的？是 ùi 恆星風 kā 歕出來的。這个 唌--人 ê 星雲 就親像是一粒頭，伊 ê 編號是 NGC 7635，一般攏 kā 伊叫做 氣泡星雲.。這个遮爾媠 ê 景色，是愛長時間感光才有法度翕出這粒 宇宙氣泡 kah 伊邊仔 ê 複雜細節。雖罔講伊看起來敢若是會隨破去，毋過這粒直徑 10 光年 ê 氣泡其實會當證明講，進前捌發生過 激烈 ê 活動。氣泡 中心 ê 正爿頂懸有一粒足光 ê 高溫 恆星，就藏 tī 星雲 ê 反射 塗粉內底。一粒差不多是 10 到 20 倍 太陽 質量 ê 恆星，發出 足猛 ê 恆星風 kah 足強 ê 輻射，kā 邊仔 較厚 ê 分子雲 歕開，形成這个 發光 ê 氣體結構。這个 趣味 ê 氣泡星雲 就 tī 仙后座 方向 1 萬 100…

這寡恆星當咧毀滅雲柱。講較詳細咧，圖中央 有一寡新形成 ê 恆星 發出 ê 光是遮爾強，強甲會 kā 伊邊仔 ê 雲柱 內底 ê 氣體 kah 塗粉 蒸發 去。仝一个時間，這寡 雲柱 嘛想欲形成 新 ê 恆星。這規張圖攏是 星團 NGC 602。這張新 ê 景色是 Webb 太空望遠鏡 tī 幾若个 紅外線 波段翕--ê。咱會當 kah Hubble 太空望遠鏡 翕--ê 可見光 影像做比較。NGC 602 就 tī 小麥哲倫星雲 (SMC) 附近，SMC 是咱銀河系 ê 一个細粒衛星星系。照 SMC 估計 ê 距離來看，這張圖 應該有 200 光年闊。圖 ê 邊仔有一寡足 引人注意 ê 背景星系，in 大部份攏 tī 幾若億 光年 之外。 ——— 這是 NASA Astronomy Pic…