Programa1423

Podcast de Corcovadomusica

Edición número 1423 de O Recanto do Corcovado. Puidestes escoitala o venres 1 de novembro a través de RKV Radio Vigo, e o sábado 2 na sintonía de Cuac FM A Coruña e da Radio Municipal de Redondela. Pechamos a rolda de emisións o mércores 6 a través de Radio Crónica Folk Musical e o sábado 9 na sintonía de Rádio Filispim. O selo WeJazz está a construir un catálogo dicográfico excelente, cheo de referencias arriscadas, creativas e anovadoras. No programa desta semana preséntovos dúas das súas últimas producións. Comezamos polo novo disco de Jonah Parzen-Johnson, desta volta a dúo co percusionista turco Berke Can Özcan para, a seguir, entrar no novo disco como líder do saxofonista Peter Evans. Enlazamos estas novidades co segundo disco do proxecto Mortality, noneto liderado polo guitarrista finlandés Tapio Ylinen. No 2019 presenteivos o seu primeiro disco. Seguen, nesta altura, a fusionar estruturas melódicas de natureza progresiva con paisaxes ambientais. Na segunda parte do programa estréovos “My Ideal”, o novo disco de Catherine Russell —desta volta con Sean Mason ao piano—, ademais do segundo disco como líder do contrabaixista Josemi Garzón. Pechamos o programa co fascinante novo disco do trío formado por Xosé Miguélez, Abe Rábade e Matt Otto.